Набылі моц новыя правілы па ўвозе тавараў у Беларусь

Што нельга ўвозіць з-за мяжы?

15 кастрычніка набыла моц пастанова ўрада ад 28 жніўня, якая ўносіць дапаўненні ў пералікі тавараў, забароненых да ўвозу і рэалізацыі на тэрыторыі Беларусі.

У Мытным камітэце нагадалі, чым менавіта пашыраны спіс «забароненых тавараў, якія паходзяць з недружалюбных краін».

З сённяшняга дня нельга ўвозіць у краіну:

поліэтылен высокага ціску,

шынную прадукцыю,

пліты OSB,

фанеру,

вырабы сталярныя і цяслярскія,

паперу і вырабы санітарна-гігіенічныя,

паперу і кардон, у тым ліку гафрыраваныя,

рыззё,

шкловалакно, у тым ліку шклавату.

Таксама папоўніўся пералік тавараў, забароненых да ўвозу і рэалізацыі на тэрыторыі рэспублікі, якія паходзяць з Польшчы, Чэхіі, Літвы, Латвіі і Эстоніі.

Адтуль зараз нельга ўвозіць:

сумкі і валізкі,

шпалеры,

плітку керамічную,

санітарна-тэхнічныя вырабы,

лядоўні, маразільнікі і іншае халадзільнае ці маразільнае абсталяванне,

пральныя машыны,

падгузнікі і пялёнкі.

Нагадаем, у спіс дзяржаў, якія «здзяйсняюць недружалюбныя дзеянні ў дачыненні» Беларусі, уключаныя краіны ЕЗ, Канада, Вялікая Брытанія, ЗША і шэраг іншых дзяржаў.

Варта адзначыць, што забарона не распаўсюджваецца на тавары, якія перавозяцца для асабістага карыстання.

Гэта захад у адказ на пашырэнне з 1 ліпеня 2024 года санкцый Еўразвязу ў дачыненні да Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com