Маладзёвая каманда Беларусі ў футболе праваліла адбор на Еўра

Не перамаглі ў Андоры, двойчы саступілі Фарэрскім астравам.

15 кастрычніка фінішаваў групавы раўнд у кваліфікацыі на чэмпіянат Еўропы 2025 года сярод маладзёвых камандаў (узрост футбалістаў – не старэйшы за 21 год). Беларуская каманда перамагла ўсяго ў адным з дзесяці матчаў, паведамляе «Люстэрка».

Нашы футбалісты правялі адборачны цыкл з сакавіка 2023 года да кастрычніка 2024 года. Беларусы трапілі ў групу да камандаў Партугаліі, Харватыі, Грэцыі, Фарэрскіх астравоў і Сан-Марына. Каб прабіцца ў фінальную стадыю турніру, трэба было займаць месца не ніжэйшае за другое. Але хутка стала зразумела, што беларусам гэта не пад сілу.

Як ні дзіўна, найлепш наша каманда згуляла супраць грэкаў – 1:1 у гасцях і 1:0 дома. З Андорай двойчы разышліся мірам – 0:0 дома і 1:1 у гасцях. Двойчы буйна саступілі партугальцам – 0:5 дома і 1:6 у гасцях. Двойчы былі слабейшыя за харватаў – 0:2 (у гасцях) і 0:1 (дома). І двойчы ўмудрыліся саступіць Фарэрскім астравам – 2:3 (дома) і 0:1 (у гасцях).

У выніку беларусы занялі ў групе пятае месца з шасцю баламі, апярэдзіўшы толькі Андору. Адзначым, што ходам кваліфікацыі ў каманды змяніўся галоўны трэнер: пачынаў цыкл Сяргей Ясінскі, а заканчваў Сяргей Яромка. Праз санкцыі наша каманда праводзіла дамашнія матчы ў Арменіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com