У расейскім войску велізарныя страты

У лідарах - Краснадарскі край.

Украінскі гурт «Інфармацыйны супраціў» працягвае збіраць звесткі аб расейскіх салдатах, якіх у самой Расеі прызналі забітымі ці публічна пахавалі, піша Аляксей Капыцька ў Telegram:

На 7 кастрычніка 2024 года ў нашай базе 74 530 чалавек, па якіх ёсць поўныя звесткі, і 380+ імёнаў, дзе ёсць нейкія разыходжанні.

За тыдзень колькасць прызнаных у РФ страт вырасла на 1 313 адзінак.

Расейскі праект "Медыязона" і расейская служба ВПС на 11 кастрычніка давалі лічбу 72 899 чалавек.

Не стамляюся паўтараць, што гэта самыя МІНІМАЛЬНЫЯ страты забітымі. Гэтыя лічбы не паказваюць рэальную колькасць страт (якая вышэйшая ў разы), але дазваляюць улоўліваць некаторыя тэндэнцыі.

Яны асабліва не мяняюцца.

1. Масква і Каўказ не ваююць. Дагестан перамясціўся на 22 месца ў колькасці страт у абсалютных лічбах, хоць, як мы памятаем, у 2022 г. практычна да аб'яўлення мабілізацыі быў на першым месцы. У Чачэніі апошні загінулы быў публічна зафіксаваны месяц таму.

На гэтым фоне страты за тыдзень:

• Башкартастан – 75,

• Татарстан - 73

• Пермскі край - 63

• Прыморскі край – 57…

2. Мясцовыя актывісты ва Удмуртыі абследавалі тры цвітажы і выявілі дзясяткі старых непублічных пахаванняў наймітаў. У выніку за тыдзень зафіксавана 80 забітых з Удмуртыі.

Калі без старых страт: свежыя страты Удмуртыі за 3 тыдні - больш за 80 чалавек, у Чачэніі - 1 чалавек. Пры супастаўным насельніцтве (ва Удмуртыі крыху менш). Што яшчэ можа быць красамоўней?!

3. Выплаты кантрактнікам у РФ канчаткова адрываюцца ад зямлі. У Белгарадзе сумарная выплата складзе 3 млн. рублёў. У Самары - 2 млн рублёў. Падняла выплаты мэрыя Уфы, і зараз са сталіцы Башкартастана найміты будуць сыходзіць з пад'ёмнымі на 1,3 млн рублёў.

Лідары ў прызнаных стратах у абсалютных лічбах:

• Краснадарскі край - 3180

• Башкартастан – 3045

• Татарстан – 2833

• Свярдлоўская вобласць – 2667

• Пермскі край – 2382

• Маскоўская вобласць - 2308

• Чэлябінская вобласць – 2226

• Самарская вобласць – 1816

• Іркуцкая вобласць – 1751

• Саратаўская вобласць - 1727 ….

Масква - 686 чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com