Памежная служба Польшчы апісала нелегальную міграцыю на мяжы з Беларуссю

Уязджаюць з 49 краін.

З пачатку 2024 года памежная служба Польшчы зарэгістравала больш за 27 тысяч спроб нелегальнага пераходу мяжы з боку Беларусі.

У ведамстве чакаюць, што да канца года па гэтым паказчыку можа быць пабіты рэкорд. Аб сітуацыі на мяжы Беларуская служба Польскага радыё расказаў старшы Харунжы прэс-службы Падляскага аддзялення памежнай службы Міхаіл Бура. Most коратка падае ягоную інфармацыю.

Са слоў Буры, сёлета ў Польшчу нелегальна спрабавалі патрапіць грамадзяне 49 краін. Гэта не толькі добра асвоеныя кірункі нелегальнай міграцыі, такія як Афганістан, Сірыя, Ірак, але і даволі экзатычныя - Каморскія астравы, Буркіна-Фасо, Папуа - Новая Гвінея.

Некаторыя мігранты, са слоў Буры, прыязджаюць у Расею ці Беларусь "зусім свежымі", гэта значыць непасрэдна са сваёй краіны. Але таксама ёсць вялікая група людзей, якія на працягу многіх гадоў легальна жылі ў Расеі. Іх мэта - Заходняя Еўропа.

Са звестак Буры, больш за 90% мігрантаў, якія патрапілі ў краіну нелегальна, не застаюцца ў Польшчы.

Таму для транспартавання патрэбна развітая сетка кур'ераў. Толькі сёлета ў Польшчы затрымалі 307 памочнікаў і арганізатараў нелегальнай міграцыі. Іх задачай было перавозіць мігрантаў на аўтамабілях у Заходнюю Еўропу.

- Можна сказаць, што гэта ўжо арганізацыя з такой мафіёзнай структурай, - адзначыў Бура.

90% мігрантаў - маладыя мужчыны. Жанчыны і сем'і з дзецьмі, паводле назіранняў Буры, з'яўляюцца на мяжы вельмі рэдка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com