Танк УСУ ва ўпор расстраляў расейскі БТР у Курскай вобласці

Відэафакт.

Расейскі БТР стаў лёгкай здабычай для ўкраінскага танка, а асабовы склад акупантаў папоўніў абменны фонд Украіны. Пра гэта 16 кастрычніка паведамляецца ў Facebook 225-га асобнага штурмавога батальёна УСУ, які ваюе ў Курскай вобласці РФ.

«Бой некалькі гадзін таму: расейцы наступалі на брані, але сустрэлі наш танк, які пажадаў «спакойнай» ночы акупантам. Ацалелыя папоўнілі абменны фонд, - сказана ў паведамленні. - Пазіцыі, з якіх яны пачалі наступ, былі контратакаваныя штурмавымі групамі 225 АШБ і цяпер знаходзяцца пад нашым кантролем. Працуем далей».

На апублікаваным відэа бачна, як расейскі БТР з асабовым складам едзе ў поле ў кірунку танка сіл абароны Украіны. Калі бронетранспарцёр наблізіўся ўшчыльную, танк зрабіў дакладны стрэл па тэхніцы акупантаў. Двое расейскіх вайскоўцаў ацалелі.

Украінскі вайсковы журналіст, карэспандэнт «1+1» Андрэй Цапліенка адзначыў у Telegram, што расейскі бронетранспарцёр, які быў знішчаны танкам 225-га АШБ, належаў 810-й брыгадзе марской пяхоты ЧФ РФ.

«Магчыма, расейскія марскія пяхотнікі прынялі наш танк за расейскі, і гэта тлумачыць іх тупаваты ўчынак», – дапусціў журналіст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com