У чэмпіянаце Беларусі ў хакеі вельмі нечаканы лідар

Усяго адна параза за 14 матчаў.

У хакейнай Экстралізе (наймацнейшы дывізіён чэмпіянату краіны) каманды правялі 14 матчаў кожная. На першым месцы нечакана знаходзіцца «Дынама-Маладзечна», паведамляе «Люстэрка».

Каманда з Маладзечна перамагла 13 матчаў. Толькі сёння, 16 кастрычніка, яна ўпершыню саступіла – у гасцях сталічнага «Юнацтва» (1:5).

«Дынама-Маладзечна» лідар з 26 баламі, на другім месцы ідзе «Юнацтва» – 23 балы, на трэцяй пазіцыі размясціўся «Гомель» – 20 балаў.

«Дынама-Маладзечна» ні разу не заваёўвала медалі чэмпіянату краіны. У мінулым сезоне цяперашні лідар фінішаваў апошнім сярод 12 удзельнікаў турніру.

«Мне крыху страшна па горадзе хадзіць, і гараджане, і заўзятары чакалі значна большага. Гэта не маё меркаванне, а меркаванне многіх спецыялістаў у беларускім хакеі – наша каманда даволі моцная і імёнамі, і досведам, і ўсім астатнім. Гэта найгоршы вынік за ўсю гісторыю існавання клуба», – казаў у студзені 2024 года кіраўнік «Дынама-Маладзечна» Дзмітрый Мельнік.

У сезоне 2024/25 у Экстралізе выступаюць 14 камандаў. У рэгулярным чэмпіянаце яны згуляюць 52 матчы кожная, пасля чаго будзе плэй-оф. Апошнія тры гады золата перамагаў жлобінскі «Металург».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com