Грыбнік пад Менскам знайшоў «абсалютна унікальны» гатунак — «падкукурузнікі»

Такія грыбы растуць выключна позняй восенню.

Адзін з карыстальнікаў сацсетак і аматар грыбоў у сумяшчальніцтве апублікаваў на прасторах TikTok відэа, дзе распавёў пра «цалкам унікальны» гатунак — так званы “падкукурузнік”. Мужчына дадаў, што растуць такія грыбы выключна пасля жніва культуры на беларускіх палях позняй восенню, піша telegraf.news.

Вядома, відэа знята не без іроніі, бо напраўду грыбы падобныя на знаёмыя з дзяцінства чырвонагаловікі, бабкі ці нават баравікі. Аднак здзіўляе хутчэй не гэта, а тое, у якой колькасці іх знайшлі на адным з палёў пад Менскам.

У каментарах, дарэчы, некаторыя пісалі, што краснагаловікі "часта растуць вось так па краі поля, пасля кукурузы, пасля збожжавых". Іншыя беларусы, мяркуючы з усяго, гумару не зразумелі і ці то жартам, ці то сур'ёзна захапляліся “новым” гатункам грыбоў.

“Першы раз бачу такія. Нават назвы такой не ведала”, — напісала адна з карыстальніц відэаплатформы, а іншая дадала: “Супер. Ні разу не бачыла такога цуду, хоць і вырасла ў вёсцы”.

“Людзі нават у кукурузе грыбы збіраюць, а я ўсё не выберуся…” — зазначыў пад ролікам яшчэ адзін карыстальнік сацыяльнай сеткі.

“Быў год, дык грыбы раслі ўсюды: на градках, на дарожках - усюды, дзе іх ніколі не было”, - загадкава напісаў чарговы беларус.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com