Зяленскі: Афіцэры з КНДР ужо на Данбасе

Яны трэніруюць расейскіх салдат.

Афіцэры з Паўночнай Карэі ўжо трэніруюць салдат расейскага захопніцкага войска на акупаванай тэрыторыі Украіны. Як паведамляе карэспандэнт unian.net, пра гэта прэзідэнт Украіны Уладзімір Зяленскі сказаў на прэс-канферэнцыі пасля ўдзелу ў пасяджэнні Еўрапейскай рады.

«У нас ёсць інфармацыя ад нашай выведкі, што сапраўды гэта вялікая праблема. Па-першае, афіцэры з Паўночнай Карэі ўжо знаходзяцца на часова акупаваных тэрыторыях Украіны і яны трэніруюць расейскіх салдат. Не ведаю, якая колькасць афіцэраў. Але, ёсць звесткі выведкі, што Расея разлічвае на такое ўзмацненне, бо Расея не паспявае з мабілізацыяй, шмат губляе на полі бою», - сказаў Зяленскі.

Ён дадаў, што расейскі дыктатар Уладзімір Пуцін ведае, што ў расейскім грамадстве настроі супраць мабілізацыі.

«Менавіта таму ён шукае вонкавай падтрымкі. І я ведаю, што ёсць такі намер падрыхтаваць 10 тысяч салдат з розных родаў войск, наземных сіл. Гэта значыць, цэлую брыгаду. Ён хоча не толькі пяхоту прыцягваць, а таксама спецыялістаў розных родаў войск... І мы ведаем, што цяпер Паўночная Карэя рыхтуе кантынгент, каб адправіць і каб яны ваявалі супраць Украіны», - падкрэсліў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com