Пуцін забараніў выпускаць з Расеі апошнія буйныя заходнія банкі
9- 17.10.2024, 17:41
- 7,414
У Raiffeisen і UniCredit – праблемы.
Два апошнія буйныя заходнія банкі ў Расеі – аўстрыйскі Raiffeisen і італійскі UniCredit – адчуваюць складанасці са спробай прадаць «дочкі» ў РФ і выканаць прадпісанне еўрапейскага ЦБ аб поўным выхадзе з расейскага рынку.
Расейскія ўлады далі зразумець, што заблакуюць продаж Raiffeisen і UniCredit усякай асобе, якая можа патрапіць пад заходнія санкцыі, паведамляе Bloomberg са спасылкай на знаёмыя з сітуацыяй крыніцы.
Такія ўмовы выключаюць магчымасць продажу банкаў расейскаму пакупніку, тады як патэнцыйных замежных фундатараў блакуюць заходнія рэгулятары. Прэзідэнт Расеі Уладзімір Пуцін і яго ўрад бачаць у заходніх банках жыццёва важны канал для трансгранічных апалат, сказала адна з крыніц Bloomberg.
Без іх адзіным буйным банкам, якія праводзяць аперацыі ў валюце, застанецца Газпрамбанк. Які не трапіў пад еўрапейскія санкцыі і захоўвае доступ да SWIFT, ён атрымлівае аплаты з Еўропы за расейскі газ.
Найбуйнейшы з заходніх банкаў у Расеі – Raiffeisen – цягам апошніх двух гадоў знайшоў мноства патэнцыйных пакупнікоў на сваю «дачку», якая ўваходзіць у РФ у топ-15 па памеры актываў. Але амаль усе яны былі заблакаваныя заходнімі рэгулятарамі, а аднаго не адобрылі ў Маскве, кажуць крыніцы Bloomberg. UniCredit практычна дамовіўся аб продажы расейскага банка суверэннаму фонду Аб'яднаных арабскіх эміратаў Mubadala. Аднак угода, са слоў суразмоўцаў Bloomberg, не атрымала адабрэння ў ЗША.
Расейскія ўлады ўжо вельмі ўскладнілі выхад з краіны замежным кампаніям, якія маюць намер згарнуць працу. Усякая ўгода павінна атрымаць ухвалу ўрадавай камісіі, а калі сума перавышае 50 млрд рублёў - то асабіста Пуціна.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
