Нарвегія перадасць Украіне шэсць F-16

Найбліжэйшым часам.

Украіна атрымае ад Нарвегіі знішчальнікі F-16. Шэсць самалётаў даставяць найбліжэйшым часам.

Пра гэта паведамляе Charter97.org са спасылкай на міністра абароны Украіны Рустэма Умерава ў Facebook.

Умераў распавёў, што падчас пасяджэння Рады Украіна-НАТА правёў перамовы з міністрам абароны Нарвегіі Б'ёрнам Арыльдам Грамам. Украінскі чыноўнік падзякаваў нарвежскаму ўраду і народу за беспрэцэдэнтную падтрымку Украіны.

Міністры ў час перагавораў абмяркоўвалі ітсную сітуацыю на фронце і патрэбнасці Украіны, у тым ліку ў сферы дальнабойнай зброі. Таксама былі дасягнутыя канкрэтныя дамоўленасці наконт узмацнення ўкраінскай супрацьпаветранай абароны.

«Асобны фокус - авіяцыйны складнік. Прынамсі, узмацненне нашых магчымасцяў знішчальнікамі F-16. Нарвегія працягне падтрымку і перадасць Украіне шэсць самалётаў найбліжэйшым часам», - адзначыў Умераў.

Таксама, са слоў кіраўніка ўкраінскага Мінабароны, ён абмеркаваў з нарвежскім калегам развіццё ўкраінскай абароннай прамысловасці. Дарэчы, Умераў запрасіў Нарвегію далучыцца да наўпроставага фінансавання ўкраінскіх абаронных прадпрыемстваў, як гэта ўжо зрабіла Данія.

Пры гэтым міністр абароны Украіны прапанаваў Нарвегіі навучыць і забяспечыць тэхнікай адну брыгаду УСУ. Цяпер такую ініцыятыву ажыццяўляе Францыя.

Дарэчы, Нарвегія анансавала перадачу Украіне шасці самалётаў F-16 у ліпені. Тады прэм'ер-міністр краіны Ёнас Гар Стэрэ запэўніваў, што пастаўкі пачнуцца сёлета.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com