У Менску адбыліся два падобныя ДТЗ

Праз канфлікт левага павароту.

Сёння ў Менску адбыліся два тыповыя ДТЗ: абодва, паводле папярэдніх звестак, здарыліся праз канфлікт левага павароту. Адно са здарэнняў зарэгістраванае на скрыжаванні вуліцаў Сярова і Каржанеўскага, другое – на вуліцы Трасцянецкай ля будынка №17, паведамляецца ў Telegram-канале УДАІ ГУУС Менгарвыканкама.

Паведамляецца, што блізу 13:20 60-гадовы кіроўца аўтамабіля Volkswagen пры павароце налева на дазваляльны сігнал святлафора на скрыжаванні вуліцаў Сярова і Каржанеўскага не даў перавагу аўтамабілю Opel, які рухаўся ў сустрэчным кірунку, і здзейсніў з ім сутыкненне. Кіроўца аўтамабіля Volkswagen атрымаў цялесныя пашкоджанні і быў дастаўлены ва ўстанову аховы здароўя для абследавання.

Іншае ДТЗ адбылося блізу 17:00. Паводле звестак ДАІ, 28-гадовая кіроўца аўтамабіля MINI Cooper, рухаючыся па вуліцы Трасцянецкай, пры павароце налева паблізу будынка нумар 17 не саступіла дарогу аўтамабілю Renault, які рухаўся ў сустрэчным кірунку. Пасля сутыкнення з ім Renault адкінула на прыпаркаваны аўтамабіль Toyota, паведамляе «Анлайнер».

У выніку ДТЗ пацярпелі 7-гадовы пасажыр MINI Cooper і 48-гадовы кіроўца Renault. Яны былі дастаўленыя ва ўстанову аховы здароўя для абследавання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com