Байдэн прыляцеў у Бэрлін
2- 18.10.2024, 10:50
- 1,376
Абмяркуе з еўрапейскімі лідарамі агрэсію РФ супраць Украіны.
Прэзідэнт ЗША Джо Байдэн прыбыў з візітам у Бэрлін, каб абмеркаваць уварванне Расеі ва Украіну, інфармуе FREEДОМ са спасылкай на агенцтва Reuters.
Сёння, 18 кастрычніка, Байдэн правядзе сустрэчы з лідарамі Нямеччыны, Францыі і Вялікабрытаніі.
Як паведамлялася раней, 12 кастрычніка ў Нямеччыне павінна было адбыцца 25-е пасяджэнне Кантактнай групы ў абароне Украіны (фармат "Рамштайн"). Старшынстваваць на ім павінен быў прэзідэнт ЗША Джо Байдэн. Аднак Байдэн адклаў свой візіт у Нямеччыну праз ураган «Мілтан», які абрынуўся на ЗША.