ЕЗ узмацніць кантроль на мяжы з Беларуссю і Расеяй

Будуць змагацца з выкарыстаннем нелегальнай міграцыі ў палітычных мэтах.

Лідары краін ЕЗ па выніках саміту міграцыі пацвердзілі сваю рашучасць змагацца з выкарыстаннем міграцыі ў палітычных мэтах і абараняць вонкавыя межы ЕЗ "усімі даступнымі сродкамі і з павагай да еўрапейскага і міжнароднага права", гаворыцца ў прысвечаным пытанням міграцыі раздзеле дэкларацыі саміту ЕЗ, апублікаваным 17 кастрычніка, піша Deutsche Welle.

“Расея і Беларусь, як і любыя іншыя краіны, не павінны грэбаваць нашымі каштоўнасцямі, уключаючы права на прытулак, і падрываць асновы нашай дэмакратыі. Еўрапейская рада выказвае сваю салідарнасць з Польшчай і з дзяржавамі-сябрамі, якія сутыкаюцца з гэтымі выклікамі. Выключныя сітуацыі патрабуюць адпаведных захадаў. Еўрапейская рада пацвярджае сваю рашучасць забяспечыць эфектыўны кантроль знешніх межаў Звязу ўсімі даступнымі сродкамі, у тым ліку падтрымку Еўрапейскага звязу, у адпаведнасці з заканадаўствам ЕЗ і міжнародным правам. Ён зноў пацвярджае сваю прыхільнасць барацьбе з інструменталізацыяй мігрантаў у палітычных мэтах”, - гаворыцца ў дэкларацыі.

Краіны Еўразвязу таксама выступаюць за тэрміновае прыняцце новых правілаў, накіраваных на паскарэнне працэдуры дэпартацыі мігрантаў.

Кіраўніца Еўракамісіі Уршуля фон дэр Ляен раней абвясціла аб распрацоўцы новага законапраекта, накіраванага на ўзмацненне жорсткасці існых дырэктыў, а канцлер Нямеччыны Олаф Шольц падкрэсліў, што "незаконная міграцыя павінна быць скарочаная".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com