З палону вярнуліся 34 «азоўцы», якія абаранялі Марыюпаль

Камбрыг «Азова» паведаміў падрабязнасці.

Сярод вызваленых украінскіх ваеннапалонных у рамках абмену, які адбыўся 18 кастрычніка, вайскоўцы брыгады «Азоў», якія абаранялі Марыюпаль Данецкай вобласці. Пра гэта камандзір брыгады Дзяніс Пракапенка (Радзіс) паведаміў у Facebook.

«У часы цяжкіх баёў такія навіны дадаюць асабоваму складу 12-й брыгады “Азоў” сілаў і паднімаюць баявы дух. Ва Украіну з расейскага палону вярнуліся яшчэ 34 вайскоўцы “Азова”. Гэтыя воіны 86 дзён абаранялі Марыюпаль, на загад выйшлі з тэрыторыі “Азоўсталі” і правялі ў расейскім палоне два з паловай гады. Дзякуючы байцам марыюпальскага гарнізона Украіна вытрымала першы ўдар вясной 2022 года», – паведаміў ён.

Пракапенка павіншаваў на ўкраінскай зямлі вызваленых байцоў і падзякаваў уладзе і Асацыяцыі сем'яў абаронцаў Азоўсталі за намаганні ў іх вяртанні.

«Абмены, у якіх прысутнічаюць азоўцы, пакрысе становяцца сістэматычнымі, і гэта вынік супольных намаганняў і настойлівасці ўсіх задзейнічаных у працэс асобаў на ўсіх узроўнях. У расейскіх турмах застаецца прыкладна 900 байцоў “Азова”. Наша агульная задача – вярнуць кожнага», – дадаў камандзір брыгады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com