КНДР заявіла пра «правакацыю» і прыгразіла вайной Паўднёвай Карэі

У раёне Пхеньяна нібыта знайшлі дрон са скрыняй паштовак.

КНДР заявіла, што нібыта знайшла беспілотнік Паўднёвай Карэі са скрыняй паштовак у раёне Пхеньяна. Паўночная Карэя прыгразіла суседняй краіне вайной.

Пра гэта паведамляе РБК-Украіна са спасылкай на Цэнтральнае тэлеграфнае агенцтва КНДР (ЦТАК).

Прадстаўнік Мінабароны КНДР заявіў, што яшчэ 13 кастрычніка ў раёне Пхеньяна нібыта былі знойдзеныя абломкі беспілотніка, падобнага на лётны апарат, які Паўднёвая Карэя прадэманстравала на парадзе ў гонар дня ўзброеных сілаў.

Ён сцвярджае, што гэта нібы «вызначальны рэчавы доказ» таго, што Паўднёвая Карэя здзейсніла правакацыю. КНДР запэўнівае, што правяла тэхнічную экспертызу знойдзенага беспілотніка і прыйшла да высновы, што гэта малапамерны беспілотнік дыстанцыйнай выведкі, які належыць паўднёвакарэйскім вайскоўцам.

КНДР заявіла, што прыняла пастанову аб захаванні стану поўнай баявой гатоўнасці артылерыйскіх злучэнняў і часцей ля мяжы.

Паўночная Карэя папярэдзіла, што паўторнае парушэнне тэрытарыяльных наземных, паветраных і водных межаў КНДР будзе расцэненае як «сур'ёзная ваенная правакацыя супраць суверэнітэту», і прыгразіла абвяшчэннем вайны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com