Патрэбнага бункера няма

Пад раніцу ў палацы дыктатара зусім засмуціліся.

1. Вялікая вайна на Блізкім Усходзе, якая дазволіла б адцягнуць увагу ад Лукашэнкі, зноў адклалася на нявызначаны тэрмін.

2. Тое, што падчас першай атакі на Ізраіль можна было тлумачыць выпадковасцю або велізарнай дапамогай супольнікаў, - знішчэнне практычна ўсіх паветраных цэляў - становіцца правілам. Цэляў было больш, дапамогі хаўруснікаў менш. Вынік - адзін забіты абломкам іранскай ракеты араб.

3. Адплата за іранскі навагодні падарунак непазбежная. І зараз усё кіраўніцтва іранскай тэакратыі і ўсякіх там КСІРаў будзе змушанае весткі бункерны лад жыцця, што таксама нічога не гарантуе. Надзвычай дарагія іранскім аяталам аб'екты ядзернай і ракетнай праграм значна павысілі свае шанцы на адмоўную рэканструкцыю.

І калі пункт 1 сумны сам па сабе, асабліва ў чаканні сустрэч з Пуціным, то пункты 2 і 3 сумныя яшчэ больш.

Пункт 2 пры бліжэйшым разглядзе азначае, што хоць нейкую шкоду вайсковая хунта сваімі жалязякамі патэнцыйна можа нанесці толькі яшчэ больш адсталаму тэхналагічна супраціўніку. У атачэнні хунты такіх не засталося.

Хунта засмуцілася яшчэ, калі глядзела вайсковы парад у Польшчы сёлета. З савецкай спадчыны засталіся самалёты, і тое гэта ўжо пытанне развязанае. Войска хунты не палохае нікога сваім намерам «нанесці непрымальную шкоду».

Пункт 3 у найбліжэйшы час чарговым разам пацвердзіць альтэрнатыўную надзейнасць жалязяк ад СПА родам з савецкага саюза. Хоць тут і так ілюзій не засталося, калі ўсім натоўпам ганяліся за некалькімі шахедамі. Адгэтуль непрыемная выснова - нават калі хтосьці з генералаў паспрабуе з розных чыннікаў атакаваць непрыяцеля, то разгромны адказ немінучы. Бункера ж неабходнай глыбіні ў Менску няма.

Telegram-канал "Нік і Майк"

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com