Літоўскі еўрадэпутат: Іншыя краіны таксама павінны распачаць справы супраць Лукашэнкі

Ёсць дзве асаблівасці падачы дакументаў супраць дыктатара ў МКС.

Дэпутат Еўрапарламента ад Літвы Дайнюс Жалімас пракаментаваў перадачу ў Міжнародны крымінальны суд дакументаў аб злачынствах Лукашэнкі. У сваім «Фейсбуке» ён тлумачыць, што "дэпартацыі (разам з пераследам паводле палітычных ці нацыянальных прычын), якія маюць на ўвазе вымушаны выезд людзей з краіны з-за страху пераследу", - "вузкае акно для юрысдыкцыі Міжнароднага крымінальнага суда".

“З такімі злачынствамі можна звяртацца ў МКС і ў тыя краіны-удзельніцы Рымскага статута, на тэрыторыі якіх выяўляюцца іх наступствы. Літва - менавіта такая краіна, бо мы прытулілі шмат беларусаў, якія ўцяклі ад рэжыму Лукашэнкі”, - піша Жалімас.

Еўрадэпутат падкрэслівае, што ў звароце разглядаюцца не ўсе злачынствы рэжыму Лукашэнкі, а толькі дэпартацыі і звязаныя з імі пераследы. Зварот Літвы ў МКС не азначае аўтаматычна, што суд абавязкова пачне расследаванне і будзе пераследаваць Лукашэнку. Пракурор МКС разгледзіць зварот і прыме пастанову аб пачатку расследавання.

Жалімас таксама адзначае дзве важныя асаблівасці падачы дакументаў у МКС.

Па-першае, важна, каб пракуратура Літвы не ўспрыняла зварот у МКС як прычыну для прыпынення свайго расследавання ў злачынствах супраць чалавечнасці на падставе ўніверсальнай юрысдыкцыі. МКС і пракуратура Літвы будуць дапаўняць адзін аднаго ў расследаванні, а не канкураваць.

"Мы будзем уважліва сачыць, каб зварот у МКС не выкарыстоўваўся як прычына для таго, каб не прыцягваць да адказнасці вядомых падазроных у справе, распачатай у Літве на падставе ўніверсальнай юрысдыкцыі", — піша еўрадэпутат.

Па-другое, Літва пакуль дзейнічае адна. Польшча і Латвія, хаця і закранутыя дэпартацыямі беларусаў, не звярнуліся ў МКС.

“Я прыкладу ўсе намаганні, каб яны далучыліся. Іншыя краіны таксама павінны пачаць справы супраць Лукашэнкі, калі Еўропа хоча перамагчы дыктатараў”, - запэўніў Жалімас.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com