Падчас учорашняга тэракту ў Ізраілі цяжка паранены грамадзянін Беларусі

Пра гэта паведаміў МЗС Беларусі.

Пра тое, што ў выніку тэракту 1 кастрычніка 2024 года ў горадзе Яфе ў Ізраілі сур'ёзна пацярпеў грамадзянін Беларусі, паведаміў беларускі МЗС.

Прозвішча пацярпелага не называецца, вядома толькі, што ён нарадзіўся ў 1997 годзе.

Паводле паведамлення МЗС, беларускае пасольства знаходзіцца ў кантакце з мясцовымі кампетэнтнымі ўладамі і медыцынскай установай, куды быў шпіталізаваны пацярпелы. Прагнозы лекараў на гэты момант станоўчыя.

МЗС звярнула ўвагу, што «ў сувязі з абвастрэннем сітуацыі застаецца актуальнай рэкамендацыя МЗС Беларусі па магчымасці ўстрымацца ад паездак у шэраг краін Блізкага Усходу, у першую чаргу ў Ізраіль і Лібан». У выпадку неабходнасці паездкі, «грамадзянам Беларусі трэба ўважліва сачыць за развіццём сітуацыі, паклапаціцца аб сваёй бяспецы і адсочваць афіцыйныя паведамленні авіяцыйных улад наконт увядзення абмежаванняў на выкарыстанне паветранай прасторы або прыпынення працы аэрапортаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com