Кіраўнік МЗС Францыі наведаў Сумскую вобласць
- 20.10.2024, 21:48
- 1,256
Жан-Ноэль Баро сустрэўся з украінскімі абаронцамі.
Міністр Еўропы і замежных спраў Францыі Жан-Ноэль Баро здзейсніў працоўны візіт у Сумскую вобласць. Там ён сустрэўся з вайскоўцамі 117-й асобнай брыгады рэгіянальнага ўпраўлення Сіл тэрытарыяльнай абароны Узброеных сіл Украіны «Поўнач».
Пра гэта ў сацсетцы Facebook паведаміла рэгіянальнае ўпраўленне Сіл ТрА «Поўнач».
Падчас камунікацыі з ваярамі УСУ Баро агледзеў тэхніку, перададзеную французскім бокам вайскоўцам і даведаўся аб бягучай сітуацыі на Сумшчыне.
Ад імя абаронцаў камандаванне брыгады выказала падзяку за пастаянную падтрымку Украіны з боку Францыі.