Як выглядае сярэднестатыстычны беларускі бацька
- 21.10.2024, 14:05
- 4,312
Партрэт паводле звестак Белстата.
21 кастрычніка ў Беларусі адзначаюць Дзень бацькі. Даведацца, як выглядае сярэднестатыстычны беларускі тата, можна са статыстычнага агляду, апублікаванага Нацыянальным статыстычным камітэтам Беларусі.
Беларускі бацька - жанаты гараджанін, які працуе ў будаўнічай або транспартнай сферы і мае сярэднюю спецыяльную адукацыю, піша magilev.by.
На 1 студзеня 2024 года колькасць мужчын ва ўзросце 18 гадоў і старэйшых складала 3, 3027 млн чалавек.
У гарадской мясцовасці пражывае 76,9% мужчын, у сельскай - 23,1%. Амаль кожны пяты жыве ў сталіцы.
На пачатак 2024 года на 1 000 жанчын у Беларусі прыпадала 1006 мужчын ва ўзросце 18-39 гадоў і 729 мужчын ва ўзросце 40+ гадоў.
У 2023 годзе ўзялі шлюб 56 044 мужчыны. Пры гэтым першы раз на парозе ЗАГСа з'явіліся 36 933 чалавекі (іх сярэдні ўзрост склаў 28,8 года), а паўторны шлюб узялі 19 111 чалавек (іх сярэдні ўзрост роўны 42,8 года).