Украінскія БПЛА атакавалі чатыры рэгіёны Расеі
- 21.10.2024, 14:13
- 3,476
Масавы налёт.
У ноч на 21 кастрычніка сілы СПА збілі ў чатырох расейскіх рэгіёнах 18 украінскіх беспілотных лятальных апаратаў, паведаміў а 07:07 паводле менскага часу Telegram-канал Мінабароны Расеі.
Паводле інфармацыі ведамства, больш за ўсё дронаў было знішчана ў Растоўскай вобласці (11 БПЛА).
Паводле інфармацыі Дон24.Ru, чатыры БПЛА знішчаныя пад Навашахцінскам, адзін - ля Чалтыра. У Мяснікаўскім раёне сродкамі радыёэлектроннай барацьбы дэзарыентаваныя шэсць БПЛА.
У Бранскай вобласці былі збіты чатыры дроны. Telegram-канал губернатара Аляксандра Багамаза заявіў, што пацярпелых і разбурэнняў не было. Яшчэ два беспілотнікі збілі над тэрыторыяй Курскай вобласці, адзін — у Арлоўскай вобласці.
Адзначым, што напярэдадні, 20 кастрычніка, над расейскімі рэгіёнамі знішчылі 110 дронаў УСУ.