У Албаніі арыштавалі былога прэзідэнта

Паводле абвінавачання ў адмыванні грошай.

Левая албанская Партыя свабоды заявіла ў панядзелак, што яе лідар і былы прэзідэнт Албаніі Ілір Мета арыштаваныя паводле абвінавачання ў адмыванні грошай.

Пра гэта, як піша «Еўрапейская праўда», паведаміла выданне Express.

Арышт ажыццявілі на ўездзе ў Тыране на падставе ордэра на арышт Спецыяльнага суда на запыт Спецыяльнай пракуратуры ў барацьбе з карупцыяй і арганізаванай злачыннасцю (SPAK). Мэту арыштавалі, калі ён быў за стырном аўто.

Ілір Мета знаходзіцца пад следствам цягам некалькіх месяцаў, абвінавачанні звязаныя з лабісцкім кантрактам у Злучаных Штатах Амерыкі і падазрэннем у адмыванні грошай.

Падазрэнні ў дачыненні да яго таксама ўключаюць абвінавачанні ў незаконных выдатках, у тым ліку касметычныя ўмяшанні за мяжой яго сямейнікаў.

У мінулым Мета займаў найважнейшыя пасады ў албанскай дзяржаве, уключаючы пасады прэм'ер-міністра, міністра замежных спраў, спікера парламента і прэзідэнта ў 2017-2022 гадах.

Генеральны сакратар Партыі свабоды Тэдзі Блушы назваў арышт Меты «злачынным выкраданнем».

Дачыненні Меты са спецпракуратурай SPAK напружаныя. Раней у яго было публічнае сутыкненне з кіраўніком SPAK Алцінам Думанам. Мета абвінавачваў структуру ў палітычных маніпуляцыях і выкананні загадаў дзейнага прэм'ер-міністра Эдзі Рамы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com