Зяленскі і Осцін абмеркавалі ўдары дальнабойнай зброяй углыб Расеі

Кіраўнік Пентагона сёння наведаў Кіеў.

Украінскі прэзідэнт Уладзімір Зяленскі абмеркаваў з міністрам абароны ЗША Лойдам Осцінам магчымасць нанясення ўдараў дальнабойнай зброяй па расейскіх вайсковых аб'ектах. Пра гэта ён паведаміў у сваім тэлеграм-канале.

«Мы абмеркавалі найважнейшыя абаронныя прыярытэты, сярод іншага магчымасці супрацьпаветранай абароны Украіны, падрыхтоўку да зімовага перыяду і пашырэнне выкарыстання дальнабойнай зброі супраць расейскіх ваенных аб'ектаў», – напісаў Зяленскі.

Пра візіт Осціна ў Кіеў 21 кастрычніка паведаміла прэс-служба Мінабароны ЗША. На сустрэчы з Зяленскім кіраўнік Пентагона пацвердзіў вылучэнне пакету ваеннай дапамогі на $400 млн. Паводле словаў украінскага лідара, ён змяшчае боепрыпасы, ваенную тэхніку і ўзбраенне.

Раней 16 кастрычніка Байдэн у тэлефоннай размове з Зяленскім абвясціў пра пакет ваеннай дапамогі Кіеву на $ 425 млн, які ўключае «дадатковыя магчымасці СПА, боепрыпасы класу “паветра – зямля”, бронятэхніку і крытычна важныя боепрыпасы для задавальнення надзённых патрэбаў Украіны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com