Легендарны «Казачны замак» у парку Горкага рыхтуюць да зносу

Кавярня працавала 17 гадоў.

Будынак кавярні «Казачны замак» у парку Горкага рыхтуюць да зносу. Пачаліся падрыхтоўчыя працы, піша блогер і краязнаўца Дзяніс Блішч.

Будынак, прапісаны па вуліцы Фрунзэ, 2б, размяшчаецца на беразе сажалкі.

«Кавярня ўваходзіла ў сетку аднайменных піцэрняў і працавала тут 17 гадоў, але не перажыла пандэмію каранавірусу», – напісаў блогер.

Цэнтральны дзіцячы парк імя Горкага ў беларускай сталіцы ў хуткім часе рэканструююць. Пра гэта расказаў агенцтву «Менск-Навіны» кіраўнік вытворчага аддзела «Менскзелянбуда» Андрэй Працук.

Падрыхтоўчыя мерапрыемствы стартуюць 7 кастрычніка, а рэканструкцыя – да канца месяца.

Праектам прадугледжаная замена інжынерных сетак і часткова асвятлення. Акрамя таго, усталююць аднатыпныя гандлёвыя павільёны. Іх знешні выгляд узгоднены з Міністэрствам культуры і камітэтам архітэктуры Менгарвыканкама, бо парк уважаецца за гісторыка-культурную каштоўнасць краіны.

Сярод іншага, адчыняцца дадатковыя зоны адпачынку і новая дзіцячая пляцоўка.

Андрэй Працук адзначыў, што ўладкуюць і пустую тэрыторыю: там паставяць пясочніцу і гульнявое абсталяванне.

Скончыць рэканструкцыю плануюць да пачатку наступнага сезону атракцыёнаў. Звычайна іх запускаюць у канцы красавіка.

Калі надвор'е дазволіць, працы будуць весціся і зімой.

Парк Горкага ў Менску заснаваны ў 1805 годзе першым губернатарам горада Карнеевым і першапачаткова называўся Губернатарскім садам. Сёння аб'ект займае плошчу 28 га. Ён з'яўляецца адным з найбуйнейшых у краіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com