Фон дэр Ляен павіншавала Малдову з еўрапейскім выбарам
1- 21.10.2024, 20:40
- 2,846
Малдова паказвае, што «яна незалежная, моцная і хоча еўрапейскай будучыні», заявіла кіраўніца Еўракамісіі.
Старшыня Еўракамісіі Уршуля фон дэр Ляен павіншавала народ Малдовы і прэзідэнтку Маю Санду з вынікамі галасавання на рэферэндуме пра ўступленне краіны ў ЕЗ. «Перад тварам гібрыднай тактыкі Расеі Малдова паказвае, што яна незалежная, моцная і хоча еўрапейскай будучыні!» – напісала Фон дэр Ляен на сваёй старонцы ў сацсетцы X у панядзелак, 21 кастрычніка.
Congratulations to the people of Moldova and to you, @sandumaiamd
— Ursula von der Leyen (@vonderleyen) October 21, 2024
You’ve done it again!
In the face of Russia’s hybrid tactics, Moldova shows that it is independent, it is strong and it wants a European future! https://t.co/R9v95YnHh7
Згодна з вынікамі падліку ўсіх бюлетэняў, апублікаваных Цэнтральнай выбарчай камісіяй Малдовы, за еўрапейскі курс Кішынёва выказаліся 50,46% удзельнікаў плебісцыту.
Грамадзянам Малдовы прапаноўвалася 20 кастрычніка адказаць «так» ці «не» на пытанне: «Ці падтрымліваеце вы ўнясенне паправак у Канстытуцыю з мэтай далучэння Рэспублікі Малдова да Еўрапейскага Звязу?» Першапачаткова разрыў паміж двума лагерамі быў мінімальным. Аднак з падлікам галасоў у Кішынёве і за мяжой першапачатковы адрыў спаборнікаў еўраінтэграцыі прыкметна скараціўся.