Міністр абароны Францыі: Прыйшоў час заняцца пытаннем размяшчэння сіл ва Украіне

Палітык адрэагаваў на план перамогі Зяленскага.

Міністр абароны Францыі Себасцьян Лекарню пракаментаваў план перамогі прэзідэнта Украіны Уладзіміра Зяленскага. Ён падкрэсліў важнасць разгляду пытання размяшчэння сіл няядзернага стрымлівання на тэрыторыі Украіны.

Аб гэтым паведамляе TF1.

"Надышоў час заняцца пытаннем звычайнага стрымлівання, якое дапаможа перашкодзіць новай расейскай агрэсіі", - адзначыў Лекарню.

Французскі міністр мяркуе, што гэты крок з'яўляецца часткай "палітычнага шляху", які запатрабуе працяглай падтрымкі Украіны.

“План перамогі Зяленскага - гэта пачатак палітычнай адказнасці, якую мы павінны ўзяць на сябе, дапамагаючы Украіне ў доўгатэрміновай перспектыве», - сказаў Лекарню.

Ён падкрэсліў важнасць забеспячэння стрымлівання як сродку процідзеяння магчымым будучым пагрозам з боку Расеі.

Лякарню таксама станоўча ацаніў некаторыя пункты плана прэзідэнта Украіны, назваўшы іх "цікавымі".

“Гэтае пытанне заслугоўвае дэталёвага вывучэння”, - дадаў ён, падкрэсліваючы, што з боку Кіева ў апошні час назіраецца “разварот да ваенна-палітычнай рыторыкі”.

На думку міністра, Украіна дэманструе гатоўнасць да палітычных дзеянняў, хаця "некалі яна зноў будзе гаварыць з Расеяй".

Адным з ключавых момантаў плана Зяленскага з'яўляецца вяртанне ўсіх тэрыторый, захопленых Расеяй.

"Складанасць моманту ў неабходнасці прыняць новы баланс сіл", - падсумаваў Лекарню.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com