«Эх, таварышы лукашысты, і хлусіць жа трэба ўмець!»

Пенсіянерка адказала Белстату.

У рэдакцыю сайта Charter97.org прыйшоў ліст ад беларускай пенсіянеркі, якая не змагла стрымаць свайго здзіўлення і абурэння наконт звестак, якія падае Белстат:

- Паўтараю гэтую фразу апошнія 30 гадоў: “Вось бы жыць у Беларусі, пра якую гавораць на БТ”.

Белстат абвясціў інфармацыю пра сярэдні чэк беларуса ў краме. І ён нейкім дзівосным чынам складае толькі 25 рублёў. Смех дый годзе! Ага, гэта пры тым, што цана кілаграма мяса набліжаецца да 20 рублёў.

Я — пенсіянерка, і мая пенсія крыху не дацягвае да 700 рублёў. Але мой сярэдні чэк не бывае меншы за 50 рублёў. А калі б я мела пенсію хаця б літоўскую, то мой бы сярэдні чэк смела мог бы перасягнуць і 100 рублёў. А так няма з чаго.

Што ж можна купіць за 25 рублёў? Гэта, пэўна, такі набор харчоў: малако, смятана, масла, сыр, хлеб і батон.

З чэкам на 25 рублёў пра садавіну можна толькі сніць сны, а пра рыбу марыць! Ды нам на дваіх з мужам з такім чэкам не пракарміцца!

А калі ўявіць сям’ю з 2 дзецьмі, то што ж яны могуць з’есці на 25 рублёў? Хіба што толькі груцу ды бульбу з кансерваваным гурком са свайго гароду.

Эх, таварышы лукашысты, і хлусіць жа трэба ўмець! Бо вельмі ж ужо камічна выглядаюць вашыя заявы ды лічбы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com