Польшча закрывае консульства Расеі ў Познані
5- 22.10.2024, 17:17
- 3,536
Кіраўнік МЗС Польшчы падкрэсліў, што РФ вядзе гібрыдную вайну.
Міністр замежных спраў Польшчы Радослаў Сікорскі абвясціў аб закрыцці генеральнага консульства Расеі ў горадзе Познані.
У сацсетцы Х Сікорскі патлумачаў неабходнасць закрыцця расейскага генконсульства ў Познані тым, што Расея вядзе гібрыдную вайну і ажыццяўляе спробы дыверсій на польскай тэрыторыі.
- Мой абавязак, як міністра замежных спраў - рашуча рэагаваць. Першы крок - закрыццё расейскага консульства ў Познані. Мы не адступім ні на крок. Мы абараняем Рэспубліку Польшча, мы абараняем палякаў, - дадаў кіраўнік польскага МЗС.
У Польшчы ёсць тры генеральныя консульствы Расеі - акрамя Познані, гэта Кракаў і Гданьск.