Украіна ўпершыню выкарыстала танкі M1 Abrams для прарыву ў Курскай вобласці

Амерыканская тэхніка пайшла ў атаку каля Новаіванаўкі.

Украіна ўпершыню выкарыстала ў баях у Курскай вобласці амерыканскія танкі M1 Abrams. Відэа з гэтай тэхнікай было знята ў раёне Новаіванаўкі Коранеўскага раёна.

Між тым, расейцы прасунуліся палямі на поўдзень ад Шаптухоўкі Коранеўскага раёна, украінскія ваяры контратакавалі каля Зялёнага Шляху, Новаіванаўкі і Любімаўкі. Аб сітуацыі на Куршчыне распавялі ў амерыканскім Інстытуце вывучэння вайны (ISW).

Аналітыкі адзначылі, што паводле геалакацыйнных кадраў ад 21 кастрычніка, расейцы нядаўна прасунуліся ў паўночнай частцы выступу ў Курскай вобласці - у палях на поўдзень ад Шаптухоўкі (паўднёвей на ўсход ад Коранева). Прасоўвання яны дабіліся падчас двух механізаваных штурмаў.

На паўднёвы ўсход ад Коранева, паводле звестак расейскіх крыніц, ішлі інтэнсіўныя баі, украінскія сілы контратакавалі ля Зялёнага Шляху, Новаіванаўкі і Любімаўкі.

Таксама стала вядома, што ўкраінскія войскі ўпершыню выкарысталі танкі M1 Abrams у Курскай вобласці падчас нападаў паблізу Новаіванаўкі. Пра гэта паведамлялі як украінскія, так і расейскія крыніцы. У расейскіх пабліках публікавалі відэа, на якім было зафіксавана, як Abrams вядзе агонь. Выкарыстанне амерыканскіх танкаў расейцы паспрабавалі растлумачыць імкненнем украінцаў «зменшыць паспяховы контрнаступ расейскіх вайскоўцаў на гэтым кірунку».

Адзін з расейскіх Z-блогераў таксама сцвярджаў, што баі ішлі ў Глушкаўскім раёне - каля Новага Шляху.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com