Тры краіны адкрываюць сваю паветраную прастору для беларусаў
6- 23.10.2024, 10:52
- 21,226
Гэта арабскія краіны.
Беларусь падпісала дакументы ў сферы цывільнай авіяцыі з трыма арабскімі краінамі. Гэта значыць, што неўзабаве могуць з'явіцца прамыя рэйсы з Менска ў Савудаўскую Арабію, Кувейт і Марока, піша tochka.by.
Такая важная падзея прайшла на палях канферэнцыі ІКАО "ICAN 2024" у Малайзіі, дзе праводзяцца перамовы аб паветраных злучэннях. Прымае ў ёй удзел і дэлегацыя Дэпартамента авіяцыі Мінтранса.
Так, з Савудаўскай Арабіяй падпісанае міжурадавае пагадненне аб паветраных злучэннях, з Кувейтам - мемарандум, а з Марока - пакуль толькі пратакол перагавораў.
Таксама ў Малайзіі прайшла сустрэча з авіяцыйнымі ўладамі Аб'яднаных Арабскіх Эміратаў, на якой абмяркоўваліся перспектывы двухбаковага супрацоўніцтва.