«Хартыя» вызваліла ад акупантаў стратэгічна важны адцінак
1- 23.10.2024, 11:23
- 2,820
Вораг выбіты з тэрыторыі ў раёне Ліпцаў
Сілам абароны Украіны ўдалося вызваліць яшчэ адзін адцінак перад сялом Ліпцы ў Харкаўскай вобласці.
Пра гэта паведаміў прадстаўнік службы сувязяў з грамадскасцю 13-й брыгады аператыўнага прызначэння НДУ «Хартыя» Уладзімір Дзегцяроў у каментары тэлеканалу «Эспрэса».
«Ліпцы - гэта стратэгічна важны адцінак, бо калі брыгада «Хартыя» зайшла ў Харкаўскую вобласць у траўні гэтага года, мы сустрэлі ворага падчас іх наступу ўжо ў наваколлях Ліпцоў, адкуль нам удалося іх выбіць», - сказаў ён.
Дзегцяроў адзначыў, што ўсе гэтыя месяцы ўкраінскія сілы працягваюць адштурхоўваць расейцаў разам з прыязнымі падраздзяленнямі далей на поўнач, да мяжы.
«На мінулым тыдні закончылася чарговая фаза вялікай аперацыі, якая працягвалася некалькі месяцаў. Сілам абароны ўдалося вызваліць яшчэ адзін адцінак перад Ліпцамі», - падкрэсліў ён.