Сусветны кангрэс свабоды заклікаў неадкладна вызваліць Мікалая Статкевіча
1- 23.10.2024, 11:30
- 1,740
ФОТА: CHARTER97.ORG
Больш за 600 дзён пра яго няма ніякай інфармацыі.
Дысідэнты ўсяго свету, змагары за свабоду, лідары апазіцыі сваіх краін, якія ўваходзяць у Сусветны кангрэс свабоды (World Liberty Congress), выказваюць сваю салідарнасць з лідарам беларускай апазіцыі Мікалаем Статкевічам.
«Лідар беларускай апазіцыі Мікалай Статкевіч, асуджаны рэжымам Лукашэнкі на 14 гадоў зняволення, больш за чатыры з паловай гады знаходзіцца ў калоніі. З іх - больш за два гады пра яго няма ніякіх вестак.
Палітыка трымаюць у адзіночнай камеры ў небяспечных для здароўя ўмовах. У зняволенні Мікола Статкевіч двойчы перахварэў COVID-19. Ягонае жыццё знаходзіцца ў небяспецы. Сусветны кангрэс свабоды патрабуе яго вызвалення і інфармацыі аб стане яго здароўя», - гаворыцца ў заяве.
Mikalai Statkevich, Belarusian opposition leader, has endured over 4.5 years of a 14-year sentence under the Lukashenko regime, held in solitary confinement with no news of him for more than two years. He’s contracted COVID-19 twice while in jail, and his life is in grave danger.… pic.twitter.com/eyMnKtEsmH
— WORLD LIBERTY CONGRESS (@WLCongress) October 22, 2024
Мікола Статкевіч быў асуджаны на 14 гадоў пазбаўлення волі, яго абвінавацілі ў «арганізацыі масавых беспарадкаў» (арт. 293 Крымінальнага кодэкса Беларусі).
З пачатку ліпеня 2022 года - з таго часу, як Мікола Статкевіч пачаў адбываць пакаранне ў Глыбоцкай калоніі - у яго было 23 спагнанні. Як мінімум 9 разоў ён трапляў у штрафны ізалятар - на тэрміны ад 7 да 10 дзён. Новы год палітвязень сустрэў у штрафным ізалятары.
Мікола Статкевіч утрымліваецца ў калоніі ў максімальна жорсткіх умовах: палітыка трымаюць у адзіночнай камеры ў небяспечных для здароўя ўмовах. Стала вядома, што ў зняволенні Мікола Статкевіч двойчы перахварэў на COVID-19.
20 сакавіка ў Мікалая Статкевіча памёр бацька. Палітвязню не далі з ім развітацца.
9 лютага 2023 года родныя і блізкія атрымалі апошнюю вестку ад Мікалая Статкевіча. З таго часу няма ніякай інфармацыі пра яго лёс: ад яго няма паведамленняў, да яго не даходзяць лісты і пасылкі.
З’явілася інфармацыя, што яго можа не быць у жывых. Галоўная рэдактарка сайта Charter97.org Наталля Радзіна і партыя "Народная Грамада" ініцыявалі міжнародную кампанію падтрымкі "Пакажыце Статкевіча!"
Да акцыі далучыўся шэраг еўрапейскіх палітыкаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
