Сі Цзіньпін на саміце БРІКС зрабіў непрыемную для Пуціна заяву наконт Украіны
7- 23.10.2024, 16:44
- 22,882
І нагадаў аб групе «сяброў міру».
Неабходна адмовіцца ад эскалацыі і распаўсюджвання ваеннага канфлікту ва Украіне, заявіў старшыня КНР Сі Цзіньпін на пасяджэнні кіраўнікоў краін БРІКС на саміце.
«Важна на аснове прынцыпаў недапушчэння пераліву канфліктаў, яго распаўсюджвання на трэція краіны і пазбягання эскалацыі баявых дзеянняў, а таксама адмовы ад падлівання алею ў агонь, садзейнічаць больш хуткай дээскалацыі сітуацыі», – цытуе кіраўніка КНР РБК.
З яго слоў, Кітай, Бразілія і краіны Глабальнага поўдня стварылі групу «сяброў міру», якая накіраваная на «аб'яднанне вялікіх галасоў у падтрымку міру».
Раней у Нацыянальнай выведвальнай службе Паўднёвай Карэі паведамілі, што КНДР мае намер адправіць чатыры брыгады вайскоўцаў агульнай колькасцю 12 тысяч чалавек для ўдзелу ў вайне супраць Украіны. Акрамя гэтага, на фронт могуць адправіцца падраздзяленне спецыяльнага прызначэння, а таксама вайсковыя лётчыкі, якія будуць кіраваць расейскімі Су-25 і МіГ-29.