Гарадзенца засыпала зямлёй на глыбіні трох метраў

Спатрэбіліся ратавальнікі.

Днём 23 кастрычніка ў Гародні мужчыну засыпала зямлёй, калі ён капаў каля дома, расказалі ў Гарадзенскай абласной управе МНС. Пацярпелы апынуўся на глыбіні трох метраў.

Днём 23 кастрычніка ўсхваляваная жыхарка Гародні паведаміла ў МНС, што яе сына засыпала зямлёй. Усё адбылося каля прыватнага дома на вуліцы Сямейнай.

Калі прыехалі ратавальнікі, мужчына быў у траншэі пад зямлёй на глыбіні блізу трох метраў. Як расказалі ў МНС, ён «быў у прытомнасці, падаваў гукавыя сігналы».

Бацька пацярпелага растлумачыў, што яны ўкладвалі дрэнаж і ў нейкі момант грунт абрынуўся, сына засыпала зямлёй. Сам ён у гэты час быў наверсе.

«Ратавальнікі з выкарыстаннем страхоўкі прыступілі да раскопкі завалу. Пры дапамозе шанцавай прылады дасталі пацярпелага на паверхню, паклалі на насілкі і перадалі брыгадзе хуткай медыцынскай дапамогі», – расказалі ў МНС.

Выратаванага шпіталізавалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com