Амаль новая база адпачынку на Нарачы патрапіла на аўкцыён

У склад лота ўваходзяць тры аб'екты - сам гасцінічны дом, будынак лазні і домік для барбекю.

Нерухомасць побач з самым вялікім возерам краіны ніколі не была таннай. І гэта не дзіўна, бо менавіта Нарач штогод прыцягвае ў Мядзельскі край тысячы турыстаў. Цяпер за некалькі кіламетраў ад пясчаных пляжаў прадаецца гасцінічны комплекс, які належыць дзяржаве. Міні-гатэль ужо спрабавалі рэалізаваць з аўкцыёну летась, але не выйшла. Другая спроба прызначаная на лістапад. Таргі пройдуць на пляцоўцы «БУТБ-Маёмасць», піша Realt.

Гасцінічны комплекс знаходзіцца ў вёсцы Абрамах Нарацкага сельсавета Мядзельскага раёна. Да возера Нарач адсюль напрасткі - блізу 3 кіламетраў. Пры гэтым побач з вёскай таксама ёсць некалькі невялікіх азёр.

Належыць міні-гатэль Менскай абласной комплекснай спецыялізаванай дзіцяча-юнацкай школе алімпійскага рэзерву. У склад лота ўваходзяць тры аб'екты - сам гасцінічны дом, будынак лазні і домік для барбекю. Плошча асноўнага будынка складае 138 квадратаў, лазні - 40 квадратаў, летняй хаткі - 50 квадратаў.

Будынкі, узведзеныя з дрэва - зусім новыя. Іх пабудавалі ў 2012 годзе. Унутры збудаванняў ёсць усе камунікацыі - ацяпленне, водазабеспячэнне, электразабеспячэнне, каналізацыя.

На тэрыторыі ўстановы пракладзеныя дарожкі, пабудаваныя альтанкі і мангалы, зробленае добраўпарадкаванне. Таксама тут маецца свая сажалка з мастком.

Пачатковы кошт аб'екта - 1,15 мільёна рублёў (блізу 350 тысяч даляраў). Аўкцыён пройдзе 14 лістапада.

Дарэчы, у вёсцы Абрамах размяшчаецца і база адпачынку «Лясная сядзіба». Цяпер яна таксама выстаўленая на продаж.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com