УСУ атакавалі «Бук-М3» і знішчылі «Бук-М2» у Луганскай вобласці
- 25.10.2024, 17:55
- 3,476
Цэлі знаходзіліся за некалькі дзясяткаў кіламетраў ад лініі баявога сутыкнення.
УСУ атакавалі ЗРК «Бук-М3». Акрамя таго, УСУ знішчылі ЗРК «Бук-М2» акупантаў у Луганскай вобласці.
Пра гэта паведамляе Генштаб УСУ.
Так, у ноч на 25 кастрычніка падраздзяленні Сіл беспілотных сістэм Узброеных Сіл Украіны ва ўзаемадзеянні з іншымі складнікамі Сіл абароны, у рамках выканання задач па выяўленні і ліквідацыі сродкаў супрацьпаветранай абароны супраціўніка, атакавалі зенітны ракетны комплекс «Бук-М3» і знішчылі радыёлакацыйную станцыю падсветкі цэляў і навядзення ракет 9С36 ЗРК «Бук-М2» ворага.
«Цэлі знаходзіліся на часова акупаванай тэрыторыі Луганскай вобласці ў некалькіх дзясятках кіламетраў ад лініі баявога сутыкнення», - адзначылі ў Генштабе.
Вайскоўцы канстатуюць - праца працягваецца, бо паслабленне супрацьпаветранай абароны РФ робіць даступнымі для ўкраінскіх удараў іншыя важныя аб'екты супраціўніка як на фронце, так і ў глыбокім тыле.