Паўднёвая Карэя назапасіла магутны арэнал: як краіна можа дапамагчы Украіне
5- 25.10.2024, 16:31
- 5,774
Паўднёвая Карэя мае першакласныя гаўбіцы K9 і танкі K2.
Паўднёвая Карэя прыстрашыла адправіць зброю і рэсурсы ва Украіну, і калі яна пойдзе далей, то, маючы для гэтага вялікія магчымасці і страхотны арсэнал, яна можа стацца магутным хаўруснікам, піша Business Insider (пераклад — «Уніан»).
Са слоў аналітыкаў, у сувязі з гэтым Расея мае важкія прычыны, каб турбавацца.
«Паўднёвакарэйская зброя можа патэнцыйна істотна паўплываць як на абарончыя магчымасці Украіны, так і на наступальныя», — заявіў аналітык у пытаннях Кітаю і Паўночна-Усходняй Азіі ў Eurasia Group Джэрэмі Чан.
Адзначаецца, што за шматгадовае супрацьстаянне з КНДР Паўднёвая Карэя стварыла "грозны" арсенал зброі, які ўключае ў сябе сістэмы СПА і ПРА. Са слоў Чана, яны могуць дапамагчы Украіне абараніць свае гарады і інфраструктуру ад расейскіх атак. Акрамя таго, як дадаў аналітык, Паўднёвая Карэя мае першакласныя гаўбіцы K9, танкі K2 і сістэмы залпавага агню.
Экспертка ў пытаннях Карэі з Цэнтра стратэгічных і міжнародных даследаванняў у Вашынгтоне Элен Кім дадала, што падтрымка Паўднёвай Карэі Кіеву можа ўключаць наданне выведных звестак аб паўночнакарэйскай зброі і тактыцы.
- Паўднёвая Карэя можа таксама дапамагчы ў псіхалагічнай вайне супраць паўночнакарэйскіх жаўнераў, якія могуць не захацець ваяваць, – сказала яна.
Як паведамілі вайсковыя эксперты, адпраўленыя ў Расею паўночнакарэйскія жаўнеры, будуць запалохвацца, каб "адгаварыць" іх ад дэзэртырства.