Агульнанацыянальны рэйтынг Трампа і Гарыс зраўняўся
36- 25.10.2024, 19:40
- 4,550
Апытанне NYT.
Рэйтынгі кандыдатаў у прэзідэнты ЗША Камалы Гарыс і Дональда Трампа за менш чым два тыдні да выбараў фактычна зраўняліся.
Пра гэта сведчыць апошняе апытанне The New York Times і Сіенскага каледжа.
Рэйтынг кандыдатаў ад дэмакратаў і рэспубліканцаў на прэзідэнцкіх выбарах ЗША, паводле апытання, складае па 48%. У апытанні два тыдні таму ў Гарыс было 49% супраць 46% у Трампа.
Як піша NYT, гэтыя вынікі «не з'яўляюцца абнадзейлівымі для Гарыс», бо на апошніх выбарах кандыдат ад дэмакратаў апярэджваў канкурэнта ў агульнанацыянальных апытаннях нават тады, калі ў выніку саступіў на выбарах.
Рэйтынгі абодвух кандыдатаў не зведалі істотных зменаў за апошнія два месяцы кампаніі, падчас якіх адбыліся дэбаты, два замахі на жыццё спадара Трампа, а таксама дзясяткі мітынгаў у сямі «хісткіх» штатах, якія вызначаць лёс выбараў.
Большасць апытанняў у гэтых штатах сведчаць аб тым, што шанцы і Камалы Гарыс, і Дональда Трампа на перамогу аднолькавыя.