Сіноптыкі папярэдзілі беларусаў пра першы снег

Калі чакаць «глыбокі атлантычны цыклон»?

Хоць на календары яшчэ нават не лістапад, надвор'е можа падрыхтаваць для беларусаў нечаканку ў выглядзе першага снегу. Спецыялісты тэматычнага Telegram-канала Nadvorie расказалі, калі чакаць у краіне «глыбокі атлантычны цыклон», які, магчыма, і прынясе гэтыя ападкі, піша «Тэлеграф».

«Свежы разлік (пакуль толькі) GFS вас не ўзрадуе. Вуаля – сустракайце сняжок. 1–2–3 лістапада ў наш рэгіён выходзіць глыбокі, з ціскам у цэнтры 960 гектапаскаляў, атлантычны цыклон “Н”», – напісалі ў Telegram-канале Nadvorie.

Рух атлантычнага антыцыклону

Global Forecast System (GFS) – гэта глабальная сістэма колькаснага прагназавання надвор'я, якая ўключае глабальную кампутарную мадэль і варыяцыйны аналіз, які выконваецца Нацыянальнай метэаралагічнай службай ЗША (NWS).

Паводле інфармацыі крыніцы, праз Беларусь павінны прайсці халодныя франты гэтага атлантычнага цыклону. «Так што на наступныя выходныя [2 і 3 лістапада] магчымы пры калянулявой тэмпературы снег ды з добрым – парывамі пад 20 м/с – ветрам», – дапоўнілі ў Nadvorie.

Адзначым, што прагноз надвор'я на больш як тры дні наперад не з'яўляецца дакладным і можа змяняцца. Так што чакаць 2 і 3 лістапада беларусам снегу ці не, стане вядома бліжэй да гэтых датаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com