Ракетны ўдар Ізраіля па Іране «закрануў» Лукашэнку

Самалёт сям'і дыктатара не мог прызямліцца ў Баку.

Мінулай ноччу самалёт EW-301PJ, які звычайна выкарыстоўваюць Віктар і Дзмітрый Лукашэнкі, быў змушаны амаль 2 гадзіны кружыць над Баку праз ракетны ўдар Ізраіля па Іране, піша «Наша Нiва».

Самалёт сям'і Лукашэнкі вылецеў з Менска ўчора блізу 23.20, пасля чаго зрабіў прыпынак для дазапраўкі ў Баку і вылецеў адтуль блізу 3.30 (паводле Менска), накіроўваючыся ў Аб'яднаныя Арабскія Эміраты, у Дубай. Аднак ужо праз некалькі хвілінаў самалёт развярнулі над Каспійскім морам і забаранілі рухацца ў кірунку Ірана, які закрыў сваю паветраную прастору.

Чакаючы дазволу, самалёт да 5:20 раніцы бесперапынна кружляў над морам, але ў выніку быў вымушаны вярнуцца назад у Азербайджан. Другі раз самалёт вылецеў толькі ў 9:28 (паводле Менска) і цяпер ляціць у небе над Іранам.

З той самай прычыны незапланаваную пасадку ў Баку здзейсніў і рэйс авіякампаніі Flydubai FZ1716, які ляцеў з Менска ў Дубай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com