Рэдкі выпадак: На чыгунцы Беларусі перайменавалі дзве станцыі

Змяненні адбыліся на адрэзку ад Мазыра да Калінкавічаў.

З 1 лістапада Беларуская чыгунка запускае электрацягнікі па маршруце Менск – Калінкавічы – Мазыр. І вось якраз на адрэзку ад Мазыра да Калінкавічаў і адбыліся змены, піша Blizko.by.

Цяпер на адрэзку на поўдзень ад Калінкавічаў ёсць такія станцыі (прыпынкавыя пункты) на чыгунцы: Пхоў на левым беразе Прыпяці, а на правым – уласна Мазыр у паўночна-заходняй частцы Мазыра і Козенкі ў паўднёва-заходняй.

Раней цягнікі на поўдзень ад Калінкавічаў (напрыклад, да памежнай станцыі Славечна) паслядоўна праязджалі Калінкавічы-Паўднёвыя, Пхоў, Мазыр, Козенкі, Міхалкі і далей па маршруце.

Цяпер жа станцыі Козенкі ў раскладзе няма зусім, яе нельга выбраць са спісу пры пошуку раскладу.

Затое відаць, што цяпер у раскладзе дызеля Калінкавічы – Славечна з'явілася новая назва: Мазыр-Паўночны. Ёсць яна і ў спісе станцый.

Такім чынам, былая станцыя Мазыр стала называцца Мазыр-Паўночны, а былая станцыя Козенкі – проста Мазыр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com