У Японіі паказалі ўнікальны ўніверсал Mercedes S-Class W126

Шыкоўнае аўто 80-х ператварылі ў сямейную машыну.

У Японіі існуе вельмі нестандартны Mercedes-Benz S-Class W126. Шыкоўнае аўто 80-х ператварылі ў прадстаўнічы сямейны ўніверсал. Ягоныя фатаграфіі апублікавалі на старонцы атэлье HWA Asteroid Wheels у Instagram.

Менавіта гэтая японская кампанія і выканала цюнінг Mercedes S-Class W126. Яму надтачылі дах, прыбралі вечка багажніка і ўсталявалі заднія дзверы і ліхтары ад малодшага Mercedes E-Class W124.

Акрамя таго, універсал Mercedes W126 атрымаў краты радыятара ад купэ S-Class, а таксама абважванне ад AMG і новыя колавыя дыскі. Кліранс аўтамабіля прынізілі.

Салон Mercedes S-Class W126 аздоблены скурай і дрэвам. Там усталявалі стырно, прыборы і крэслы ад AMG, а вялікі багажнік абшалявалі фетрам. Камплектацыя ўніверсала ўключае двухзонны клімат-кантроль, электрапрывад сядзенняў і магутную аўдыясістэму.

Пад капотам гэтага ўніверсала ўсталяваны 5,0-літровы V8. На стандартным Mercedes 500 SE W126 гэты рухавік развіваў 240 к.с. У пары з маторам працуе 4-ступеністая аўтаматычная КПП.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com