Афіцэр УСУ: Расейцы ў Курскай вобласці атрымалі загад не браць у палон украінскіх вайскоўцаў
11- 26.10.2024, 14:43
- 11,408
Падрабязнасці.
У Курскай вобласці Расеі, дзе прадаўжаецца аперацыя УСУ, расейцы атрымалі загад ад камандавання не браць у палон украінскіх вайскоўцаў. Такую заяву ў эфіры нацыянальнага тэлемарафону зрабіла прэс-афіцэрка 1-й асобнай танкавай Северскай брыгады УСУ Дзіна Вонг.
«Вораг даў свайму асабістаму складу прамы загад не браць у палон украінскіх вайскоўцаў», – заявіла яна.
Паводле ейных словаў, на названым кірунку расейцы вядуць актыўныя штурмавыя дзеянні з выкарыстаннем бронятэхнікі.
«Нам вядома, што яны спрабуюць назбіраць сваю пяхоту... Калі пачынаюцца штурмавыя дзеянні, мы адразу адпрацоўваем па асабістым складзе і тэхніцы ворага. Кожная наша аперацыя – гэта сукупнасць дзеянняў нашых танкістаў, артылерыі, аператараў БПЛА», – расказала Вонг.