На другім этапе Кубка свету ў плаванні беларусы здабылі пяць медалёў

З медалямі вернуцца дадому трое вядучых беларускіх плыўцоў.

У апошні дзень другога этапу Кубка свету ў плаванні, які завяршыўся ў паўднёвакарэйскім Інчхоне, беларускія спартоўцы здабылі дзве ўзнагароды.

З медалямі вернуцца дадому трое вядучых беларускіх плыўцоў. Дзве ўзнагароды - у Аліны Змушко.

На жаль, 27-гадовая спартоўка не змагла стаць чэмпіёнкай, хаця была вельмі блізкая да гэтага. У апошні дзень этапу Аліна фінішавала трэцяй на дыстанцыі 50 м брасам з вынікам 29:80. Напярэдадні яна была другой на дыстанцыі ўдвая даўжэйшай.

Яшчэ адзін медаль здабыла Анастасія Шкурдай. На дыстанцыі 200 м на спіне яна стала другой.

Не ўсё атрымалася ў апошні дзень спаборніцтваў у Іллі Шымановіча. У вырашальным заплыве на дыстанцыі 200 м брасам ён фінішаваў восьмым.

Нагадаем, што напярэдадні ў Інчхоне Ілля стаў найлепшым на стомятроўцы брасам і другім на дыстанцыі 50 м.

Такім чынам, усяго ў беларускай скарбонцы пяць медалёў. Дарэчы, на першым этапе Кубка свету іх было столькі ж, толькі ўсе сярэбраныя. Па дзве ўзнагароды тады здыбылі Аліна Змушко і Ілля Шымановіч. Яшчэ адна - у Анастасія Шкурдай.

Трэці этап Кубкамі свету пройдзе ў Сінгапуры з 31 кастрычніка да 2 лістапада.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com