Экзітпол Edison Research: Грузінская апазіцыя перамагае
9- 26.10.2024, 19:49
- 13,248
Яна атрымае больш за 50%.
Экзітпол кампаніі Edison Research прагназуе апазіцыі агулам больш за 50% на парламенцкіх выбарах у Грузіі.
Пра гэта паведамляе партал SOVA.
Пасля закрыцця ўчасткаў у 19:00 паводле беларускага часу тэлекампанія Formula апублікавала вынікі экзітпола, праведзенага амерыканскай Edison Research.
Згодна з ім, апазіцыйныя сілы сукупна атрымліваюць 51,9% галасоў, тады як кіруючая партыя "Грузінская мара" - 40,9%.
Экзітпол праводзіўся на ўсёй тэрыторыі краіны, акрамя акупаваных тэрыторый. Усяго апыталі 14946 выбарцаў. Магчымая хібнасць складае +/-2,5 працэнта.
Апошняе апытанне Edison Research перад выбарамі прагназавала аб'яднанай апазіцыі больш за 50% галасоў.