УСУ дадуць паўночнакарэйскім вайскоўцам шанец скласці зброю і выжыць

Распрацаваная спецыяльная інструкцыя.

Сілы абароны Украіны рыхтуюцца не толькі знішчаць паўночнакарэйскія падраздзяленні, перакінутыя на вайну Расеі супраць Украіны, але і гатовыя даць ім шанец скласці зброю і застацца такім чынам у жывых.

Як паведамляе InformNapalm, для ўкраінскіх вайскоўцаў распрацаваны дапаможнік з камандамі, пры дапамозе якіх байцы змогуць наладзіць камунікацыю з вайскоўцамі з КНДР на полі бою, каб прапанаваць ім здацца.

Гэтая інструкцыя ўжо распаўсюджваецца сярод украінскіх падраздзяленняў, размешчаных у Курскай вобласці.

«Украіна разумее, што дыктатарскія рэжымы ў РФ і КНДР не зацікаўленыя ў тым, каб паўночнакарэйскія салдаты вярталіся жывымі дадому ў свае сем'і. Але Сілы абароны Украіны ўжо зараз рыхтуюцца не проста знішчаць першыя групы паўночных карэйцаў, але і імкнуцца даваць гэтым салдатам шанец выжыць, гэта значыць, дэманструюць людскі падыход. Украіна арыентуецца на захаванне правоў чалавека і міжнародных нормаў вядзення вайны, дэманструе чалавечнасць у стаўленні да тых, хто апынуўся ў цяжкім становішчы і стаў інструментам у руках дыктатараў для агрэсіўнай вайны. Кожны паўночнакарэйскі салдат будзе мець шанец скласці зброю і перайсці на бок дабра ў гэтай вайне, атрымае шанец стаць свабодным грамадзянінам Паўднёвай Карэі. Слава Украіне!», - гаворыцца ў паведамленні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com