У «беларускай Швэйцарыі» прадаюць недарагое лецішча з уласнай сажалкай

Зусім побач з Менскам.

Для таго, каб адпачыць на гэтым лецішчы, вам не давядзецца далёка ехаць. Утульны дом з усімі выгодамі размяшчаецца ўсяго за 18 кіламетраў ад Менска. Лецішча ўжо абстаўленае мэбляй, тут ёсць усе выгоды і нават свая сажалка з рыбай! А яшчэ пакупнікам падораць масажнае крэсла - для рэлаксу па вечарах, піша realt.by.

Размяшчаецца дача ў садовым таварыстве «Вяснянка-2». Гэта — Менскі раён, Лагойскі кірунак. Ад МКАД - 18 кіламетраў. СТ знаходзіцца побач з Астрашыцкім Гарадком, і ў дачнікаў ёсць магчымасць карыстацца ўсёй інфраструктурай населенага пункта. Да таго ж, побач з самімі лецішчамі ёсць крама, дзе можна набыць самае неабходнае.

Тут прадаецца дом 2014 года пабудовы. Агульны пляц катэджа складае 76 квадратных метраў.

Дом складаецца з кухні-гасцёўні, дзвюх спальняў і адкрытай тэрасы з цікавымі відамі. Усе пакоі на лецішчы ўжо абстаўленыя мэбляй. Бонусам для новых жыхароў стане масажнае крэсла, якое дапаможа расслабіцца пасля напружанага дня.

Ад большасці дачных пабудоў дом у «Вяснянцы-2» адрозніваецца вялікімі вокнамі, высокімі столямі і якасным аздабленнем. Усе неабходныя выгоды тут таксама прысутнічаюць.

Ацяпленне ў доме - электрычнае, каналізацыя - мясцовая, вада - свідравіна.

Дача стаіць на надзеле плошчай 9 сотак. Тэрыторыя каля дома дагледжаная, ёсць зялёныя насаджэнні і газон.

А яшчэ на гэтым лецішчы ёсць уласная сажалка, у якой (мяркуючы па фота) нядрэнна ловіцца рыба.

Варта адзначыць, што дом размяшчаецца ў маляўнічым кутку Меншчыны, які за прыгожыя краявіды называюць «беларускай Швэйцарыяй». Узгоркаватая мясцовасць, лес, рака і гарналыжныя курорты паблізу робяць гэтыя месцы прывабнымі як для жыцця, так і адпачынку.

Кошт дачы - 80 тысяч даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com