Самы вядомы прарасейскі журналіст Латвіі ўцёк у Беларусь
23- 27.10.2024, 15:48
- 12,958
Падчас ператрусу ў доме прапагандыста былі знойдзеныя патроны для пісталета.
Латвійскі журналіст Юрый Аляксееў уцёк у Беларусь. Аб гэтым распавёў карэспандэнт RT Аляксей Стэфанаў, паведамляе «Наша Ніва».
«З вечара захоўваю гэтую радасную навіну, але ўжо можна - сам Юра перастаў хаваць», - напісаў Стэфанаў.
Са слоў Стэфанава, Аляксееў не спаў тры ночы - рыхтаваўся да ўцёкаў.
«Учора раніцай выйшаў з кватэры ў Рызе, дабраўся на перакладных да Вільні, набыў квіток на аўтобус да Менска і, хвалюючыся, прайшоў мяжу», - распавядае пра шлях Аляексева ягоны калега. - Зараз Юра ў Менску ў сяброў. Выспаўся і прыходзіць у сябе».
Юрый Аляксееў - адзін з самых вядомых расейскамоўных журналістаў Латвіі. З 1990 года ён працаваў галоўным рэдактарам у шэрагу дзелавых выданняў.
Пасля быў галоўным рэдактарам сайта Imhoclub.lv. Служба дзяржбяспекі Латвіі ў сваёй штогадовай справаздачы ўказвала, што сайт «іграе пэўную ролю ва ўмацаванні расейскага інфармацыйнага ўплыву ў Латвіі», а яе крыніцы фінансавання знаходзяцца ў Расеі.
Расследаваннем ягонай справы ў лістападзе 2017 года занялася Служба дзяржаўнай бяспекі. Паводле яе звестак, з кастрычніка 2016 года да снежня 2017 года Аляксееў неаднаразова публікаваў каментарыі, якія распальваюць міжнацыянальную варожасць.
Падчас вобыскаў у ягоным доме, як паведамляла спецслужба, былі знойдзеныя патроны для пісталета, а таксама носьбіты інфармацыі з дзіцячай парнаграфіяй.
У кастрычніку 2021 года суд прыгаварыў яго да года і двух месяцаў турмы. Аляксеева абвінавацілі ў распальванні міжнацыянальнай варожасці, захоўванні дзіцячай парнаграфіі і боепрыпасаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
