«Лукашэнка шукае новага гаспадара»

Што хаваецца за заявамі беларускага дыктатара, якія супярэчаць Пуціну.

Аляксандр Лукашэнка паставіў пад сумненне спробы Уладзіміра Пуціна задзейнічаць войскі Паўночнай Карэі ў вайне супраць Украіны. Гэтым ён падгуляў Кітаю, які выступіў супраць інтэрнацыяналізацыі, пашырэння вайны і эскалацыі.

Такое меркаванне 24 каналу выказаў палітолаг Ігар Рэйтаровіч.

– Лукашэнка спрабуе быць «слугой многіх гаспадароў» і выглядаць для ўсіх добра. Хоць гэты вобраз даўно ўжо нікога не ўводзіць у зман, ён прадаўжае ўпарта яго прытрымлівацца, – адзначыў палітолаг.

Рэйтаровіч дадаў, што тое, як заканчэнне вайны паўплывае на Беларусь, будзе залежаць ад яе вынікаў. Заканчэнне вайны для Лукашэнкі будзе сапраўдным выклікам.

З аднаго боку, ён хоча, каб вайна як мага хутчэй закончылася, бо ў яго ёсць непакой, што Расея зноў выкарыстоўвае яго. Крэмль можа зноў выкарыстоўваць тэрыторыю Беларусі ці ціснуць на Лукашэнку, каб ён задзейнічаў сваё войска.

З іншага боку – заканчэнне вайны можа пераарыентаваць погляды расейскіх уладаў на Беларусь з гледзішча пошуку нейкіх «новых перамог». Такой перамогай можа быць стварэнне «саюзнай дзяржавы», калі Беларусь проста будзе паглынутая Расеяй.

– Лукашэнка спадзяецца, што калі вайна скончыцца, Расея будзе не ў стане накіраваць свае экспансіянісцкія спробы на Беларусь. Таму Лукашэнка шукае новага «гаспадара», якім, безумоўна, з'яўляецца Кітай, – падсумаваў палітолаг.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com