Прарасійская партыя правалілася на выбарах у Балгарыі

Лідэрам стала празаходняя правацэнтрысцкая кааліцыя.

На датэрміновых парламенцкіх выбарах у Балгарыі, якія адбыліся 27 кастрычніка, прарасейская і нацыяналістычная партыя еўраскептыкаў "Адраджэнне" пацярпела няўдачу, заняўшы толькі трэцяе месца з вынікам у 14% галасоў пры падліку 82% бюлетэняў, піша The Moscow Times.

Лідэрам стала празаходняя правацэнтрысцкая кааліцыя, якая аб'ядноўвае партыі "Грамадзяне за еўрапейскае развіццё Балгарыі" (ГЕРБ) і Саюз дэмакратычных сіл (СДС), за якую прагаласавалі звыш 26% выбаршчыкаў. На другім месцы апынуўся альянс партыі "Працягваем перамены" і кааліцыі "Дэмакратычная Балгарыя" (ПП-ДБ), які набраў каля 15% галасоў.

У новы склад Нацыянальнага сходу ўвайшлі сем палітычных аб'яднанняў, яшчэ два працягваюць барацьбу за пераадоленне выбарчага парога. Былы прэм'ер-міністр Бойка Барысаў, лідэр ГЕРБ, назваў перамогу сваёй кааліцыі "бясспрэчнай" і запэўніў, што прыкладзе максімум намаганняў для фарміравання ўрада. Ён таксама падкрэсліў, што гатовы да кампрамісаў з большасцю палітычных сіл за выключэннем прарасійскай партыі "Адраджэнне".

Папярэднія выбары, якія прайшлі летам, прынеслі найбольшую падтрымку партыі ГЕРБ, аднак яна не здолела стварыць устойлівы ўрад. У жніўні прэзідэнт Балгарыі Румэн Радзеў прызначыў новы тэхнічны кабмін, які ўзначаліў былы член ГЕРБ, цяпер беспартыйны Дзімітар Глаўчэў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com